Аграфірма «Старый Дворец» у Гродзенскай вобласці далучылася да флэшмобу ў гонар заўтрашняга Дня энергетыка — там для калег запісалі відэавіншаванне, у якім паўдзельнічаў увесь калектыў. Ніякіх прафесійных здымак, затое паглядзіце, як душэўна атрымалася.
22 снежня, у самы кароткі светлавы дзень у годзе, у Беларусі адзначаюць Дзень энергетыка. Павіншаваць калег вырашылі і ў філіяле РУП «Гроднаэнерга» — у аграфірме «Старый Дворец» Гродзенскай вобласці.
Там зладзілі святочны флэшмоб і запісалі відэавіншаванне, у якім зняўся ўвесь калектыў прадпрыемства — ад кіраўніцтва да трактарыстаў і даярак. Супрацоўнікі станцавалі, праспявалі і павадзілі карагод проста на рабочых месцах і пад навагодняй елкай.
«И если в городе ночью зажигают огни, все знают: это энергетики, это все они», — спяваецца ў іх песні.
