Увечары 2 чэрвеня ў Гомелі дзяўчына вывалілася з акна інтэрната і загінула, паведаміў «ЧП Гомель». Увагу на публікацыю звярнуў «Флагшток».
Як расказалі пабліку чытачы, трагедыя здарылася каля 20.30 на вуліцы Петруся Броўкі. Медыкі хуткай дапамогі не змаглі выратаваць дзяўчыну — паводле папярэдняй інфармацыі, яна атрымала траўмы, несумяшчальныя з жыццём, і памерла на месцы.
Гаворка ідзе пра інтэрнат Гомельскага дзяржаўнага ўніверсітэта імя Скарыны. У каментарах карыстальнікі напісалі, што загінулая студэнтка — з Туркменістана. Як сцвярджае адзін з каментатараў, у дзяўчыны былі даўгі па аплаце навучання.
«Я там стаяла. Божа, як яна плакала і крычала, аж сэрца разрывалася. Шкада дзяўчынку і бацькоў», — напісала іншая студэнтка.
Універсітэт, міліцыя, СК і іншыя афіцыйныя крыніцы пакуль нічога не паведамлялі пра трагедыю.