У Віцебску жанчына купіла скураныя туфлі, а яны «засумавалі» ў першы ж дзень. У краме абвінавацілі яе, але вось што аказалася насамрэч

19 жнiўня 2024 у 1724052300
«Зеркало»

Жыхарка Віцебска купіла туфлі-лодачкі з натуральнай скуры, а на іх у першы ж дзень нашэння з'явіліся заломы на мыску. У абутковай краме заявілі, што вінаватая сама жанчына, а вось праверка паказала іншы вынік, расказалі ў Дзяржкамітэце судовых экспертыз.

Віцяблянка засталася незадаволеная заломамі, якія з'явіліся на скураных туфлях у першы ж дзень нашэння, і звярнулася да прадаўца з просьбай вярнуць грошы за няякасны тавар. Аднак прадстаўнікі крамы пачалі запэўніваць, што матэрыял дэфармаваўся з віны самой пакупніцы. Вырашыць пытанне станоўча не ўдалося.

Каб высветліць прычыну дэфекту, жанчына аддала абутак на таваразнаўчую экспертызу.

«Падчас даследавання абутку судовыя эксперты прыйшлі да высновы, што незваротная дэфармацыя верху абутку ў мысковых частках туфляў - гэта схаваны вытворчы дэфект, які выявіўся ў працэсе эксплуатацыі», - расказалі ў Дзяржкамітэце судовых экспертыз.

Атрымаўшы заключэнне экспертызы, пакупніца зноў пайшла ў краму. Прадавец быў вымушаны не толькі вярнуць ёй грошы, але і кампенсаваць выдаткі на правядзенне экспертызы плюс маральную шкоду.